ការជ្រើសរើសថ្ងៃកាត់សក់ តាមជំនឿពីបុរាណ មានសារៈសំខាន់ណាស់ ព្រោះថ្ងៃក្នុងមួយសប្ដាហ៍ សុទ្ធតែត្រូវបានចាស់ៗលោកសម្គាល់ទុក ថាតើថ្ងៃណាជាថ្ងៃដែលគួរកាត់សក់ និងថ្ងៃណាមិនគួរកាត់ ដើម្បីជាការលើករាសី ឬអាចនិយាយថា កាត់សក់ចំថ្ងៃល្អអាចនាំឲ្យមានលាភសំណាងផងដែរ។
- កាត់សក់ចំថ្ងៃអាទិត្យ ៖ នឹងមានអាយុយឺនយូរ សុខភាពរឹងប៉ឹង មាំមួន ប្រាសចាកពីរោគាព្យាធិ ព្រមទាំងមានសម្បតិ្តច្រើន។
- កាត់សក់ចំថ្ងៃច័ន្ទ ៖ នឹងមានតែលាភសំណាង ឬអាចឈ្នះរង្វាន់ជាទីគាប់ចិត្ត។
- កាត់សក់ចំថ្ងៃអង្គារ ៖ នឹងមានតេជះ ឫទ្ធិអំណាច មានគេខ្លបខ្លាច ប៉ុន្តែអ្នកមានរាសីទាប ហាមកាត់ថ្ងៃនេះដាច់ខាត ព្រោះអាចបង្កជាគ្រោះទៅវិញ។
- កាត់សក់ចំថ្ងៃពុធ ៖ មិនល្អទេ លាភសំណាងផ្សេងៗដែលបម្រុងនឹងហូរចូល នឹងរលាយបាត់ ហើយជំនួសមកវិញដោយសេចក្ដីទុកមកដាក់ខ្លួន ប៉ុន្តែចំពោះអ្នកកើតថ្ងៃពុធ និងថ្ងៃសុក្រ គឺល្អទៅវិញ។
- កាត់សក់ចំថ្ងៃព្រហស្បត្តិ៍ ៖ នឹងមានទេវតា ព្រមទាំងវត្ថុស័ក្ដិសិទ្ធ តាមជួយថែរក្សា បើអ្នកមានរៀបគ្រូបាធ្យាយនៅក្នុងផ្ទះទៀត នោះអ្នកនឹងមានស្នេហ៍មុខ ទៅណាមកណា មានគេរាប់អានស្រលាញ់ច្រើន។
- កាត់សក់ចំថ្ងៃសុក្រ ៖ នឹងមានមន្តស្នេហ៍ ដែលជាទីស្រឡាញ់នៃមនុស្សទាំងពួង បើមានជំងឺដង្កាត់ផ្សេងៗ នឹងបានជាសះស្បើយ ព្រមទាំងនាំលាភជូនដល់គ្រួសារទៀតផង ។
- កាត់សក់ចំថ្ងៃសៅរ៍ ៖ ប្រពៃបំផុត គិតអ្វីៗ ឬធ្វើកិច្ចការងារអ្វី នឹងបានសម្រេចតាមបំណងប្រថ្នា នឹងមានសិរីមង្គល ភាពសំណាងល្អ ប៉ុន្តែបើអ្នកមានរាសីទាប ឬហៅម្យ៉ាងទៀតថា រាសីស្រុតចុះ គឺអាចនាំរឿងសៅម៉ងចូលផ្ទះ ៕
0 comments:
Post a Comment